Herri galdeketaren urteurren ekitaldiak

Lizarragabengoako Kontzejuak eta Arbizuko Udalak duela urtebete Abiadura Handiko Trenaren inguruan herri galdeketa antolatu zuten. Herritarrek ere egitasmoaren inguruan iritzia eman behar zutelako antolatu zuten herri galdeketa. Urte bat geroago, bi herrietako biztanleek emandako iritzia errespetatzeko eskatuz eta AHTren “inposaketa” salatu nahian, makina bat ekimen antolatu dituzte ekainaren 5erako. Horien artean dago 12 orduko areto futbol txapelketa. 8:30ean hasiko da. Izena eman nahi duten taldeek 626 187 022 edo 626 706 348 telefonoetara hots egin dezakete. Taldeak 40 euro ordaindu behar ditu.

[Iruzkina sartu]